الجـــــــــكـــــــــسٍ

جكس ممطوط الضفائر زي جنازير السراير
جكس راكي وجكس طائر وجكس ما مركب زراير
اظنو ده الجكس الباير
وجكس ما يشوفك براك يقعد يكورك ويك واك
تلقاهو لاعب قون وباك
عندو جيب ما عندو هاك
التقول شغال معاك
*******
وجكس ما بنريدو تب تب وجكس ابدا مامؤدب
تلقاهو دائما لما يوعد تلقاهو عامل ليهو مقلب
وجكس داير ليهو دقة ودقة بي عكاز مدبدب
جكسي ذي طبية نادر في القاعات دايما مبادر
وفي كلامو يجيك مجاهر بالضحك دايما يهاظر
بس تقول يا الله قادر
*********
جكسي ذي طبية قاتل صدرو مشحون بالقنابل
للورود في قلبو شاتل ذي درر طيب المحافل
بس تقول الصيد وجافل
قمري قاعد في المعالي
ما بينزل للضلالما بتغريه اللاءالي
ما بيفتش في المخالي
بس يقول مالك ومالي
**********
وجكس ما بندورو تب
الحكاية بكل صراحة تحتمل اوجه كثيرة
...وجه مليان بالبراءة ووجه غرقان في البشاعة...
جكس قصةتجري من الجامعة تجري وتتكسر
نمشي ندوة نمشي سينما نمشي ليكشر
************
هاك دي خلطة..وبيبسي بارد وشنطة وبلو جنز احمر
والقميص نص كم مسطر والشعر مبروط معبر
وفي السياسة الفردة ناقش والكلام عربي ومكسر

اما سوسو قادر الله..شدة فاهمةساعة قدام المراية
..هاك دي بدرة.
.وهاك دا اصفرجايبة زي برميل ديانا.
.يافرد الله معاناجكس قصة
وفي القصص ضايعات سنيني
سوسو اكبر رمز ليها..لما امشي تقوم تجيني
ولما ارجع زي تشتت وما تجيني
ولما اعمل فتحي منها..تاني تبكي وتشتهيني

والله قصةامشو الحسو مكواه حاره
عشان تحسو وتفهموني
جكس فردة وجكس شدة
وجكس فاهم كمية حنان
وجكس عايش في الوهم
وجكس فاهم ومنسجم
وجكس عامل نينجا اسود
وجكس ياجكس السجم
دا التخصص في الشواكيش والالم
وجكس داير ينهرش
وجكس من اول لقاء داير عرس