رايكم شنو فى الالفاظ دى ((شكلة البنات ))

في الأواني الاخيره دي بقينا نسمع مسميات والفاظ غريبه جدا جدا الفاظ بيئة طبعا

وفي اكتر الأحيان بنسمعا لما تكون في شكله والعجب لما تكون الشكلة دي بين البنات

ياعيني ياعيني

عالابداع كل وحده بتبدع في مخارج حروفا وكلماتا

وانا عني بشوفا نوع من عدم احترام وقلة تربية والناس دي بتشوفا نوع من الفلاحة

وقوه الشخصيه

فحابه اخد رأيكم في الموضوع ده وبتطلو عليه من اي جانب ؟؟؟

ودي بعض الامثلة ::

((دايرة تضربينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!!

يضُربك الضريب شقّاق العناقريب ...!!

ما تقيفى فى الزلط و تتكلمى غلط ...

نحن نححححححححححححححمد الله الغدا ضأن.. و التحلية برتكان .....

العشا حمام و التحلية شمّام .....و مليانيييييييييييين يا إنتى ...

....لا كوع يقد الوسادة لا ساق يضبح الجدادة ...نحن تربية بيت و فرش موكيت.... تربية عِز ورضاعه

بِز...أحححححمدو , مبسووووطة و شلاليفى ممطوطة

===========================

ساكنين الخرطوم , محل الرئيس بنوم , والطيارة بتقوم , والجكس بِحوم .... أولادنا لابسين الجِنز وحالقين مارِنز..اولاد

راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف

الشات .. بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب

التكس..اسكيلنا عالي ,ومهرنا غالي ..)

ادونا رايكم ياحلوووين